Vilborg Davíðsdóttir hefur sérhæft sig í ritun sögulegra skáldsagna og hlotið fyrir lofsamlega dóma. Fyrsta bók hennar, Við Urðarbrunn, kom út árið 1993 og framhald hennar, Nornadómur, árið eftir, en þær gerast um aldamótin 900 og segja frá baráttu norsk-írskrar ambáttar fyrir frelsi úr ánauð. Hún hlaut verðlaun Skólamálaráðs Reykjavíkur og Íslandsdeildar IBBY fyrir bækurnar sem voru síðar gefnar út í einni undir titlinum Korku saga.
Í Eldfórninni (1997), Galdri (2000) og Hrafninum (2005) leitaði Vilborg aftur til 14. og 15. aldar. Síðasttalda skáldsagan gerist meðal inúíta og norrænna manna á Grænlandi. Vilborg var tilnefnd fyrir hana til Íslensku bókmenntaverðlaunanna.
Árið 2009 sendi hún frá sér bókina Auði, fyrsta bindið í þríleik um landnámskonuna Auði djúpúðgu, og var einnig tilnefnd til Íslensku bókmenntaverðlaunanna fyrir hana. Önnur bókin, Vígroði, kom út 2012 og haustið 2017 sú síðasta, Blóðug jörð, sem jafnframt er sjálfstæð saga um flótta Auðar yfir hafið frá Skotlandi til Íslands.
Vilborg sendi árið 2015 frá sér sannsöguna Ástin, drekinn og dauðinn og hefur vakið mikla athygli fyrir að svipta þar burt þeirri bannhelgi sem lengi hefur hvílt á umræðu um dauða og sorg. Þar segir hún frá ferðalaginu með drekanum en svo nefndu þau eiginmaður hennar heilakrabbamein sem dró hann til dauða í blóma lífsins og fyrsta ári sínu sem ekkja. Vilborg var tilnefnd til Fjöruverðlaunanna fyrir hana.
Tíunda bók Vilborgar heitir Undir Yggdrasil og kom út 2020. Hún fjallar um Þorgerði Þorsteinsdóttur, sonardóttur Auðar djúpúðgu.
Hér er nánari umfjöllun um hana. Sú bók var einnig tilnefnd til Fjöruverðlaunanna. Önnur skáldsaga um völvuna Þorgerði kom út 2023, Land næturinnar. Þar heldur hún í Austurveg en það er heitið sem norrænir menn á víkingaöld höfðu á verslunarleiðinni úr Eystrasalti um stórfljót Austur-Evrópu og allt suður til Konstantínópel, höfuðborgar hins kristna heims. Vilborg var tilnefnd til Íslensku bókmenntaverðlaunanna fyrir bókina. Nánari umfjöllun um Land næturinnar er að finna hér.
Vilborg vinnur nú að bók sem er væntanleg haustið 2026.
Útgefandi er Mál og menning - Forlagið.
Í Eldfórninni (1997), Galdri (2000) og Hrafninum (2005) leitaði Vilborg aftur til 14. og 15. aldar. Síðasttalda skáldsagan gerist meðal inúíta og norrænna manna á Grænlandi. Vilborg var tilnefnd fyrir hana til Íslensku bókmenntaverðlaunanna.
Árið 2009 sendi hún frá sér bókina Auði, fyrsta bindið í þríleik um landnámskonuna Auði djúpúðgu, og var einnig tilnefnd til Íslensku bókmenntaverðlaunanna fyrir hana. Önnur bókin, Vígroði, kom út 2012 og haustið 2017 sú síðasta, Blóðug jörð, sem jafnframt er sjálfstæð saga um flótta Auðar yfir hafið frá Skotlandi til Íslands.
Vilborg sendi árið 2015 frá sér sannsöguna Ástin, drekinn og dauðinn og hefur vakið mikla athygli fyrir að svipta þar burt þeirri bannhelgi sem lengi hefur hvílt á umræðu um dauða og sorg. Þar segir hún frá ferðalaginu með drekanum en svo nefndu þau eiginmaður hennar heilakrabbamein sem dró hann til dauða í blóma lífsins og fyrsta ári sínu sem ekkja. Vilborg var tilnefnd til Fjöruverðlaunanna fyrir hana.
Tíunda bók Vilborgar heitir Undir Yggdrasil og kom út 2020. Hún fjallar um Þorgerði Þorsteinsdóttur, sonardóttur Auðar djúpúðgu.
Hér er nánari umfjöllun um hana. Sú bók var einnig tilnefnd til Fjöruverðlaunanna. Önnur skáldsaga um völvuna Þorgerði kom út 2023, Land næturinnar. Þar heldur hún í Austurveg en það er heitið sem norrænir menn á víkingaöld höfðu á verslunarleiðinni úr Eystrasalti um stórfljót Austur-Evrópu og allt suður til Konstantínópel, höfuðborgar hins kristna heims. Vilborg var tilnefnd til Íslensku bókmenntaverðlaunanna fyrir bókina. Nánari umfjöllun um Land næturinnar er að finna hér.
Vilborg vinnur nú að bók sem er væntanleg haustið 2026.
Útgefandi er Mál og menning - Forlagið.